跳拉丁舞太投入
龔嘉欣疑洩春光
龔嘉欣、黎諾懿、許家傑及何艷娟前晚出席世界體育舞蹈大獎賽發佈會,四人分成兩組現場表現拉丁舞。穿上紅色舞衣的嘉欣被黎諾懿整個抱起,嘉欣表示平日多是與許家傑拍檔表演跳舞賺外快,今次與諾懿拍檔,事前只練了十分鐘。
在兩隊當中,以黎諾懿及龔嘉欣的組合較搶眼,除了因為嘉欣穿火紅舞衣大曬長腿,夠晒搶眼之外,她跳舞時亦相當投入,不單祇不時做出伸展動作,更任由黎諾懿“打橫舞直”。龔嘉欣謂跳舞可以趁機鍛煉身段,因為下月要穿三點式拍美容廣告。黎諾懿聞言即獻計:“你用三塊樹葉遮住,一定爆紅!如果有人搵我拍廣告,我用一塊樹葉遮住拍都得。”
由於龔嘉欣的紅裙好短,要跳大動作舞步時好易走光,她已經好醒目咁全程夾實大髀,不過,當她做出一個疑似俯身鞠躬謝幕的動作時,百密一疏,因為俯得太過低,搞到心口外露都唔知,疑以春光乍洩。黎諾懿見到嘉欣咁論盡,都唔知好嬲定好笑,一臉尷尬,場面搞笑。
黎諾懿在二○一一年曾參加由湖南衛視主辦的《舞動奇蹟》,與內地演員金晨合作奪得冠軍。昨日重披舞衣,他笑說:“自從當年贏得冠軍後已掛靴,已有五、六年冇跳啦,老喇!跳舞係要Keep住練至得。”
黎諾懿自爆當年結婚時,太太曾要求他上台表演跳舞,但他怕現場表演有閃失會好醜,最後唱歌了事。他也透露正準備造人大計,希望生一仔一女,所以要努力工作,賺錢養家。
留言