意大利“蘭”贏盤
意大利上場友賽蘇格蘭,幾經艱苦下只能一球險勝對手,整體表現平平無奇,難怪之前四場熱身賽無一勝績,意軍已漸失勁旅本色,睇怕今屆歐國盃難以發圍。
明晨意軍將與芬蘭作最後一場演練,以球隊目前人腳與狀態,未必能夠擊倒芬蘭。加上第一場歐國盃分組賽首戰對住強敵比利時,意軍今戰必有所留。芬蘭在歐洲列強中根本未入流,近年戰績亦每下愈況。不過,上場有睇芬蘭對比利時一戰,表現又並非太差,雖然大部分時間處於捱打,但每次穩守反擊都相當到位,球隊亦充滿鬥心。今仗對意大利,芬蘭只要繼續保持戰意,未必輸波。初盤意大利讓球半/兩球,捧芬蘭有“利”而無害。
意軍大軍名單中,並未有中場指揮官派路在陣,蒙杜利禾及馬治斯奥又因傷退隊。三大中場主力缺陣,組織與創造能力無疑受到極大影響。上場對蘇格蘭進攻欠缺章法,若非蘇格蘭防線出錯,意軍都幾難贏波。芬蘭陣中名氣球員唔多,效力莫斯科中央陸軍嘅艾歷文高已算係最具星級。不過,球隊最緊要整體夠齊心,誓必全力抵抗意軍。
推介:和波1:1
Ben
足球評述員
留言