安德尊李錦聯開火
無線安排屢傳不和的安德尊與李錦聯主持飲食節目《區區開伙》,昨日二人見面時更作狀動手對打,受訪時繼續唇槍舌劍,互窒。
安德尊寸李錦聯:“只係負責跟頭跟尾,雖然師傅係國際名廚,但靠唔住。”被踩靠唔住的李錦聯即時還擊:“你係無知同亂噏,只知你好白癡扮低B,你又唔知自己成日講錯嘢,經常畀鑊人跣,睇你咁多牙齒印就知。”安德尊即表示:“鑊係孭,唔係跣嘅,知道師傅你心胸唔係好闊,窄窄哋啦。”安德尊表示和李錦聯“開火”真的“熱哄哄”,李錦聯則強調他們未算真正開火,只是處於開火邊緣。看來二人樂於以不和傳聞搞宣傳。
黃心穎為《區區開伙》擔任嘉賓,她笑言看不到兩位主持人“開火”。談到今屆港姐首輪面試佳麗,心穎表示:“真係質素高,而且很多都有高學歷,還有長腿,好弗!(可知其中一位參賽者Yoki被指是你的翻版?)有留意新聞,看來都有些似,尤其笑容。”
留言