李城難再發圍
今日繼續講英超幾支實力派增兵情況。
首先要講當然係上季首奪英超冠軍嘅李斯特城。其實“狐狸幫”上季球員名單中,你又識得邊位球星呢?唔攞到英超冠軍的話,你都以為“華D”仲係劉德華。水漲船高,“狐狸幫”今季粒粒都係星。但老實講句,以原班人馬去衛冕,實在難過登天,今季仲要踢歐戰,唔加碼根本冇得打。“李城”目前已簽入三名球員,一個係德國門將施拿,又搵咗西甲希杭中堅靴蘭迪斯加盟,最貴買入法國前廿一歲以下國腳文迪,三個加埋用咗千三萬英鎊左右,有冇足夠實力再爭標大家“心照”。
熱刺本身實力唔差,上季奪得第三名,亦非浪得虛名。不過,暫時只有非洲腳雲耶馬與上季荷甲金靴奬得主贊臣加入,似乎增兵力度不足。熱刺要再度向列強挑戰,整體戰力仍未足夠,何況亦要踢歐冠,熱刺非要再搵多兩至三名具級數球星不可。
其實英超二三線球會財力有限,除非有大財團收購,所以買一個球員過千萬鎊,已經好重本。基本上英超爭來爭去都係幾支富豪球會,上季爆出神奇球隊李斯特城,確係十年難得一見。
足球評述員 Ben
留言