洪卓立爆湯怡床上動粗
前天晚上,洪卓立與女友湯怡、貝安琪與男友Simon及母親劉香萍、陳婉衡及顏子菲等人,亮相在九龍灣舉行的電影《捉鬼敢死隊》群星優先場。洪卓立當眾踢爆女友“床事”,說湯怡試過睇完鬼片之後,睡覺時在床上向他動粗。
湯怡謂最害怕看鬼片,前晚與男友拍拖睇戲,她除非有男友陪睇,或者一班朋友陪伴就不會驚。洪卓立更大爆女友睇完鬼片會打人,又說試過大班朋友上他屋企睇鬼片,晚上瞓覺時女友湯怡竟然向他批子,他睡意正酣中咗招,但女友完全唔知道發生過打人事件。
早前洪卓立再被誤傳死訊,湯怡說當時好擔心,雖然知他去了朋友屋企打機,但當日成晚都搵唔到佢,原來佢電話無電,唔知道大家搵佢,現在會迫洪卓立帶後備電。曾經多次被傳出死訊的洪卓立,苦笑說已慣了,他謂已經唔係第一次傳,他計過同羅樂林比,以單日死的次數計多過對方,但總計羅樂林勝過他。
陳婉衡亦與男伴同來,但她否認是男友,對方是其健身教練及好兄弟。她又透露稍後會到斯里蘭卡拍攝旅遊節目,聽聞會有水上活動,故她已準備了十幾套泳衣大派用場。貝安琪前晚首度偕同男友Simon出席公開場合,她透露與加拿大籍男友已認識十幾年,大半年前參加朋友婚禮重遇,已拍了五、六個月拖。見Simon與其母言談甚歡,安琪坦言母親都有催婚,可能很快嫁出,有好消息會告訴大家。
留言