七人小球賽受歡迎
極受一衆球迷歡迎的七人小球賽快將開鑼,雖然今年賽制與往年相同,但參加球隊比去年增加兩隊至十五支,加上一衆球隊為爭取好成績,均投放了不少資源,相信今屆賽事會比往年激烈,一班街坊又有好波睇。
相比起氹仔運動場及科大球場,在市中心路邊的鮑思高球場明顯“親民”得多。正因為接近民居,不少街坊晚飯後冇節目,都會落街走進鮑思高睇波。加上球場細、節奏更快,亦更加考驗球員的技術及腦筋轉數,令七人小球賽更加刺激,可算是氣氛好的本地賽事之一。小球賽球隊與十一人大場賽事的球隊,同樣“熟口熟面”,但球員往往大兜亂,球迷仿如睇足球明星賽一樣,新鮮感十足,同樣是吸引球迷原因之一。
雖然受條件限制,波爾圖未有參加今屆甲組,令“葡超打吡”二缺一。上屆乙組亞軍福建亦決定不升班留在乙組。不過足總亦邀請乙組殿軍富士頂上,令參加隊伍增至十五隊,除了採用“升三降二”令下屆有十六支球隊角逐甲組外,重啟升降班制度,勁旅爭標、弱旅爭護級,競爭更激烈,令賽事更可觀。
賽事臨近,不少球隊保留神秘感,仍未正式公佈陣容。但據了解,上屆冠軍德晉加義除了保留冠軍射手高美斯及主力施華等,亦邀得勵馳彭梓亨加盟,實力再上一層樓,足證衛冕決心。雖然同組有士砵亭、夜遊人、千葉及勵馳等實力分子,但實力佔優,加上承接衛冕足總盃的氣勢,加義在今屆仍是爭標熱門。
賈大廚
留言