由社文司牽頭耗資2千萬的首屆「武林群英會」即將開鑼，塔石廣場近日出現少林寺、功夫嶺等山寨佈景板，「嚇親」不少市民，以為是七月盂蘭節的紙紮街衣，引起一陣熱議。
社文司長辦公室主任葉炳權受訪時表示，每個設計師都有自身的品味。「至於山寨唔山寨，我諗每一個地方，或者我哋所做的活動，都是希望推動武術發展……打造成旅遊項目。」他又稱，自己曾途經塔石廣場，認為場地布置仍未完成，難以評論，但社會有不同意見，相信體育局會吸取意見後，日後再舉辦同類型活動時會有所完善。
網民點評精選︰
「而家d紙紮祭品又做得幾精美wo！」
「下，仲以為政府趁鬼節買左堆紙紮燒唔切，搵個地方放住先。」
「朝早武林大會，夜晚盂蘭醮會，一雞兩味」
「盂蘭節氣魄更壯，盂蘭盛會心中不必驚慌！」
「為促進多元旅遊，吸引不同世界的旅客，推出澳門全新活動–《澳門國際街衣節》，結合盂蘭節，相信可發揮協同效應。」
「紙紮嘅質感做得好强，好好，唯一要批評嘅係做少咗一條「奈何橋」，少咗啲藝術靈魂。」
「先唔從美學既角度去睇呢d「藝術品」，其實無能力做少d係無人會話你架，e加十足十求其擺d野出黎要搶錢咁款，破壞力超強既破壞社會文化C～」