媒體
分類
新聞
- BOOM! 怪物星人香港見面會 阿信突現身站台跳舞惹哄動
- 我佛慈「 BASS 」普渡眾生 佛祖HAND UP潮揚佛法
- 中西方視覺藝術的調適 18至19世紀歷史繪畫作品展
- 牛房倉庫《舶來地》長期個展 《茶間》構建與眾交談場所
王寶強 被馬蓉轉走財產
2016-08-16 22:58
內地男星王寶強喺微博自爆老婆馬蓉同經理人宋喆出軌後，親自現身法院申請離婚，同時力爭兩個仔女嘅撫養權。有傳王寶強申請離婚後，馬蓉同宋喆聯手偷偷轉移財產，更於一日內將王寶強幾個銀行戶口嘅資金全部提走，搞到王寶強要借錢畀訴訟費。之後，有網民目擊馬蓉帶住一對仔女現身美國，有傳佢已將王寶強喺當地嘅房產出售，被網民質疑一切早有預謀。
有傳馬蓉同宋喆聯手偷偷轉移財產，搞到王寶強要借錢畀訴訟費。
噚日，受盡千夫所指嘅馬蓉終於出招反擊，佢委託律師到法院起訴王寶強侵犯名譽，對自己造成負面影響及精神損害，要求王寶強刪除微博並道歉。其後，馬蓉喺微博貼出北京朝陽法院嘅案件受理通知書，並附上人民幣150元嘅訴訟費收據，疑似暗示王寶強借錢起訴嘅消息並非屬實。馬蓉嘅發文火速引發網民熱議，截止目前，已有超過190萬個網民留言，主要痛駡佢嘅行為無恥。
馬蓉出招反告王寶強侵犯名譽，被大批網民痛駡無恥。
留言