日本男星福山雅治同女星吹石一惠閃婚後,接拍嘅日劇《Love Song》收視一跌再跌,令「男神」人氣備受考驗。雖然劇集成績未如理想,但佢主演嘅新戲《Scoop!》,將於今年10月喺日本上映。福山雅治喺片中顛覆銀幕形象飾演一名爛身爛世嘅狗仔隊,希望憑藉該片再創事業高峰。
日前,電影公司公開全新海報同預告片。在預告片中,福山雅治拍住青春女星二階堂富美合作,揭露娛樂圈八卦新聞,當中更有人氣男星齋藤工被拍到偷食嘅獨家猛料。着住粉紅色底褲嘅齋藤工當發現被偷拍時已經太遲,最後狼狽拉起酒店房窗簾遮醜。
留言