鎚仔幫大開殺戒
英超球會韋斯咸在歐霸盃附加賽首回合未能取得較大優勢,只得一個作客入球,明晨返到自己主場再戰羅馬尼亞球隊艾斯特拉,以鎚仔幫實力,今仗應可大開殺戒。
艾斯特拉上場慘被聯賽死對頭克鲁日血洗一比五,士氣大受打擊,喺羅甲開季五戰已輸三場,證明呢支上季羅甲冠軍虛大於實,真正戰力受質疑。首場歐戰作客丹麥哥本哈根亦吞三蛋,踢歐戰經驗不足。今戰再度作客,對住一向踢主場特別惡的英超球隊,艾斯特拉恐難免慘敗收場。初盤韋斯咸讓一球/球半,捧硬鎚仔幫贏波贏盤。
韋斯咸今季轉用新主場的倫敦奧林匹克球場,首個英超主場真真正正取得開門紅,今戰係首場歐戰主場,當然要開門大吉。前線有E華倫西亞、卡奴爾、沙高及新加盟的阿休,火力相當兇猛,足以摧殘今戰對手。艾斯特拉陣中球員名不經傳,只有今屆歐國盃羅馬尼亞兩名國腳,門將能治及攻擊手阿利碧克,與韋斯咸相比,始終差一班波。
推介:韋斯咸3:0
足球評述員
Ben
留言