連唱20場學友挑戰四面台

媒體

分類

新聞

55歲「歌神」張學友將於今年12月，在紅館一連舉辦20場演唱會。除了演繹經典歌曲，學友還再度挑戰四面台，希望再創經典。為求每場演出都以最佳狀態完成，學友特別要求每開三場就休息一天，他說：「希望有足夠休息時間，令呢20場順利完成嘅同時，亦達到我接受嘅水平，希望我可以做到。」

張學友將於今年12月，在紅館一連舉辦20場演唱會。

今次演唱會以「經典」為主題，學友坦言已有五年沒有在紅館舞台開唱，超過20年沒有挑戰四面台，他說：「記得上次四面台演出，已經係1995年嘅演唱會，今次難得有機會開唱，所以想再做一次四面台，呢個都係經典嘅事，亦非常講求體力。」

為了這次演唱會，學友坦言已秘密練舞兩個多月，他說：「好多動作原本跳唔到，但跳跳下又跳到，都係博一博。而家已經記好舞步，背好歌詞，喺屋企至少唱咗100次。」此外，學友還透露「細佬」張家輝亦看過他練舞，他說：「希望到時佢嚟睇我演出，但我唔會畀佢上台做嘉賓，因為我演唱會冇嘉賓。」

「細佬」張家輝曾探班，看張學友練舞。

這次個唱將會在今年12月29日結束，問到學友會否考慮加場？學友表示：「呢啲係主辦單位決定，唔係我講，不過今次係一次過推晒啲場數出嚟，等大家可以揀想睇邊場再去買。」對於粉絲指搶學友個唱門票難過買機票，學友笑言：「我私下都收咗唔少訂單，朋友希望靠我把口去講會好啲。」

張學友這次再度挑戰四面台，希望再創經典。

連唱20場 學友挑戰四面台