國足下仗非勝不可
一八年世界盃外圍賽即將再烽煙四起,亞洲區十二強進行第三輪,A組的國家隊將在武漢迎戰敘利亞,兩戰只得一分的國足非勝不可,否則出線機會變得渺茫。
國足前兩輪雖只得一和一負,但遇上兩隊都係強勁對手,首戰作客韓國雖落敗,但踢出近十年八年難得一見的拼搏精神,特別係落後三球依然鬥志高昂,力拼下連追兩球,總算有交代。第二場返到主場迎戰伊朗,國足以“保一搶三”為目標,惜場上形勢處下風,最終能保住一分,亦係不幸中之大幸。
國足前兩場踢得唔差,唔講球員發揮好與壞,至少充滿鬥心與積極,亦踢出不畏對手的精神。周四晚國足對敘利亞係全取三分好時機,據國內媒體報道,敘利亞今次出征名單中,最少有八名主力因傷未能隨隊,三線實力大受影響,國足必須趁對手人腳不整,搶得分組賽首勝,否則隨後對榜首的烏茲別克,會變成生死存亡戰。
Ben
足球評述員
留言