落水群毆全女打
香香與蔡潔互撻生魚
由錢國偉執導的動作片《辣警霸王花》,延續八十年代“霸王花”經典,由岑麗香、何佩瑜(Jeana)、鄭欣宜、崔碧珈(Anita)及蔡潔(Jacky)等兩組學員飾演的新霸王花,在片中由頭打到尾。其中一幕在馬來西亞取景拍攝的泳池浮台女子搏擊,眾女隻揪又群揪,畫面吸睛之餘,動作悅目。
戲肉係香香大戰Jacky,兩個靚女互撻生魚,由浮台打到入水底,夠晒巴辣。Jacky說:“我同香香對打,係有好彩亦有唔好彩。好彩香香係個非常Sweet的女仔,同佢相處係好開心,大家夾打鬥夾做戲比較有默契,同佢做對手戲好舒服。唔好彩係佢太過嬌滴滴,手手腳腳好幼,對比香香,我就好大隻,好驚整親佢。我兩個要由浮床打到落水,兩個都飲咗幾次。另外有個水底鏡頭都好講求默契,又要閉氣又要在水底扭來扭去,難度都高,但效果就好滿意。”
今次Anita扮演一名有情有義但又烏龍騰雞的霸王花,當日拍攝浮台打鬥戲,她要被其他女學員圍毆。Anita笑說:“咁就慘啦!差唔多所有演員都出來打,但因為浮台郁來郁去,有一定難度。我拍踢腿、彎低身動作,好多時都NG,好容易唔小心跌低,係一路打一路跌落水,落到水中仲要繼續打。”
碌低兼變落湯雞都係其次,最慘係Anita 被兩名霸王花夾攻踩她胸部,拍攝時真係滴晒汗。她說:“我覺得好蝦碌,兩個扮反派女仔踩住我上半身,一人一腳,但其實大家都需要平衡,結果大家手捉住手拍呢場戲。今次成個過程拍得好開心,少少辛苦一定有,翻睇覺得好有效果,希望大家喜歡啦。”
留言