C朗大四喜報“安”

    【本報消息】C朗一復出馬上讓葡萄牙脫胎換骨，前晚世界盃歐洲區B組外圍賽，C朗交出“大四喜”，助葡萄牙主場六比○大炒小組魚腩安道爾，全取三分保住出線機會。

    葡萄牙分組賽首戰，在C朗缺陣下○比二敗在瑞士腳下，要出線世界盃決賽前晚一戰絕對不容有失。C朗在重要一戰復出國家隊，開波兩分鐘已經把握角球機會閃電開齋，兩分鐘後再接應哥利斯馬助攻頂入，為葡軍帶來二比○優勢。臨完半場簡些路窄角起腳射門破網，葡萄牙半場三比○領先。

    葡軍大勝保出線

    兩球在手的C朗仍未夠喉，四十七分鐘安祖高美斯交出助攻，C朗近門起腳射破門將十指關。六十八分鐘C朗再入一球完成“大四喜”，將比分改寫成五比○，臨完場四分鐘安祖施華建功埋齋，鎖定六比○勝局，取得重要三分保住出線希望。

    C朗指餘下八場要繼續贏：“我知道我對球隊相當重要，早段的兩個入球奠定了今仗的勝局。作為國家隊的一員，我和其他隊友一樣，無時無刻獻盡所有，努力打好每一球，我為自己在歐國盃後再次代表葡萄牙感到高興。雖然球隊暫時落後，但分組賽仲有八場，我有信心球隊可以出線。之後賽事我們不容有失，必需為出線而傾盡所有，贏晒八場出線世界盃。”

    瑞士險擒匈牙利

    同組的瑞士作客匈牙利，半場雙方互交白卷，施費洛域五十一分鐘為瑞士先開紀錄，不過匈牙利短短兩分鐘就靠施沙拉爾扳平。列卡度洛迪古斯六十七分鐘助瑞士再次領先，施沙拉爾七十一分鐘再建一功追成二比二。隨後雙方陷入膠着，直至最後一分鐘史托卡射入絕殺一球，最終瑞士三比二反客為主，將三分袋袋平安。

    法羅群島排次席

    另一戰法羅群島作客拉脫維亞，拿迪斯塔特十九分鐘為客軍開齋，下半場七十分鐘艾姆臣再建一功，助法羅群島作客報捷，二比○擊敗拉脫維亞。

    經過兩輪賽事，瑞士兩戰兩勝六分居B組首位，法羅群島一勝一和排第二，開齋的葡萄牙手執三分，以較佳得失球壓過同分的拉脫維亞暫列第三，匈牙利一分排第五，安道爾一分未得小組包尾。