西班牙執牛“爾”

媒體

分類

新聞

世界盃歐洲區外圍賽G組兩輪過後，阿爾巴尼亞全勝，力壓西班牙與意大利暫居榜首。但要突圍兩支強隊爭奪出線並非容易，皆因之前兩場對手俱屬弱旅，全取六分正常，今場對西班牙才係真正硬仗。阿爾巴尼亞有幾多料？對完“红牛黨”就一清二楚。

西班牙剛踢完意大利，明晨又要繼續作客。不過，球員都身經百戰，對手實力又並非強横，相信對球員發揮影響不大。由於小組要與意大利爭頭位，“紅牛黨”絕不能大意失分，定必全力撲擊阿爾巴尼亞。初盤西班牙讓球半，照捧西班牙最少兩球打底。

阿爾巴尼亞陣中有部分球員在德甲與瑞士超級聯賽揾食，但並非大球會，最有名氣不過係效力意甲拿坡里的希沙積，論整體級數實力，當然不及西班牙。所以今仗有主場之利亦被睇低完全正路，望能打出風格與西班牙一拼。

作客意大利，西班牙依然取得優勢，包括控球率，射門及角球次數，最終被意軍逼和亦無話可説。證明同組中係較強一隊，且踢作客仍保持一貫水準，今戰三分志在必得，必勝無疑。

推介：西班牙二比〇

足球評述員

Ben