荷蘭足球的坎坷
昨晨睇完荷蘭對法國一場世界盃外圍賽後,對荷蘭足球有感而發。
上世紀七、八十年代的荷蘭被譽為足球強國之一,十上十落踢法更稱為全能足球,惜大賽戰績屬二奶命,七四與七八年世界盃都屈居亞軍,去到一○年世界盃與西班牙爭冠,遺憾再次與冠軍擦身而過,補時被“紅牛”一球擊敗。最威一次只在八八年登上歐洲之冠。
“橙軍”曾出現過唔少球壇巨星,告鲁夫曾被稱為球王,仲有迪保亞兄弟、荷蘭三劍俠,當中的雲巴士頓更係阿Ben的超級偶像,歐洲國家盃一記窄角度窩利射門,記憶猶新。近代之中亦有柏金、雲尼斯達羅、古華特、雲佩斯及洛賓等都係世界級球星,惜時至今日,橙軍似乎後繼無人。
今年法國的歐洲國家盃,荷蘭意外地在外圍賽出局,無緣決賽周。目前人腳中,三十有二的中場核心史奈積達應該係唯一星級球員,試問又如何撑起全隊?難道荷蘭足球真的沒落了?
Ben
足球評述員
留言