媒體
分類
新聞
- BOOM! 怪物星人香港見面會 阿信突現身站台跳舞惹哄動
- 我佛慈「 BASS 」普渡眾生 佛祖HAND UP潮揚佛法
- 中西方視覺藝術的調適 18至19世紀歷史繪畫作品展
- 牛房倉庫《舶來地》長期個展 《茶間》構建與眾交談場所
劉青雲 郭藹明 當眾耍花槍
2016-10-13 22:44
日前，劉青雲和老婆郭藹明夫妻檔出席公開活動，兩人全程十指緊扣，並一直保持幸福笑容，郭藹明更不時凝望老公，非常恩愛。近日，劉青雲用「小飛船」為名開設製作公司，又買入千萬豪宅冧爆老婆。問到劉青雲會否經常花心思送禮物冧郭藹明？兩公婆就當眾在鏡頭前大耍花槍，夠晒甜蜜！
兩人十指緊扣出席活動，全程表現恩愛。
在接受訪問時，談及兩人經常都給人一種處於新婚的甜密感覺，劉青雲表示：「傳媒畀面啫！今日套衫我都有份揀嘅，同老婆一齊揀，我本身都好有眼光㗎！（所以揀到好老婆？）OK喇！」問他平時會否經常花心思送禮物冧老婆？劉青雲笑言：「初初有送啲喇，熟咗之後就……其實我花嘅心思都喺工作、電影上面。」
兩公婆於鏡頭前耍花槍，真係Sweet到漏。
送「小飛船」冧爆老婆
近日，有報道指劉青雲和老婆聯名開設「小飛船製作有限公司」（小飛船名字的由來，源自劉青雲奪得「金像獎」影帝時的得獎感言）。劉青雲表示：「其實個名都係順口講㗎啫！」談及用「小飛船」做公司名冧盡全城女士，劉青雲說：「大家開心就最好喇！公司只係方便自己工作嘅一個平台，啱啱開始嘅一個計劃。」
劉青雲去年奪「金像獎」影帝時，多謝老婆的言論成為一時佳話。
兩公婆當眾於耍花槍
問到劉青雲去年豪擲3,000萬港幣，於香港西貢購入豪宅送給老婆一事時，他表示：「日日都有人買屋㗎喇，好平常嘅事，我自己又要住，咁啱佢又冇地方住。大家一齊睇嘅，唔係送㗎！」問劉青雲平時會否送小禮物？郭藹明即表示：「老公，小禮物呀！」劉青雲聽聞回應：「你哋睇下我幾有生活壓力！」兩公婆當眾於鏡頭前耍花槍，真係Sweet到漏呀！
劉青雲和郭藹明結婚十幾年，是娛樂圈公認的「模範夫妻」。
留言