尼斯食“梅”冇走雞
【本報消息】法甲領頭羊尼斯再次出擊,作客挑戰梅斯誓要拉開積分榜差距。爭取衛冕的聖日門將主場鬥馬賽,期望靠主場之利全袋三分,拉近與尼斯的距離。
尼斯今季在巴迪洛利加持下,球隊未敗一仗以廿三分高踞法甲榜首,巴神今季已經攻入五球,帶領球隊攻城拔寨,助尼斯傲視群雄。
開賽至今九場贏七場,對手包括摩納哥、里昂、馬賽等傳統勁旅,九仗入十六球的鋒線表現令其他球隊聞風喪膽。雖然巴神歐霸盃受傷,球隊亦證實今仗將會缺陣,但陣中亦有比利亞、保羅巴斯都是攻擊主力,今晚面對實力平平的梅斯,縱然作客出征亦不會遇上考驗。
聖日門馬到功成
上屆冠軍聖日門目前以十九分排聯賽第三,要爭取衛冕可謂一分都不能少。雖然伊巴謙莫域離開“大巴黎”,但有卡雲尼擔起大旗,此子以九球的成績領先法甲射手榜,同時亦連續兩場取得士哥,狀態相當火熱加上盧卡斯摩拉、古沙華、迪馬利亞等相助,球隊火力絕不嘢少,今晚作客馬賽有望全取三分而回。
另外,次席的摩納哥前晚旗開得勝,主場迎戰蒙彼利埃,雖然開波九分鐘失守,但憑法卡奧的十二碼扳平。換邊後摩納哥啟動殺戮模式,麥巴比、謝美臣、謝美恩、湯馬士利馬、泰奧利先後建功,雖然保迪保斯操刀十二碼助蒙彼利埃收窄分差,最終摩納哥仍然六比二大勝對手。
留言