趙海珠生B不棄養愛犬
由吳綺莉、李尚正等主持的有線節目《寵物ER》,請來曾修讀日文、對日本的柴犬情有獨鍾、家中養了兩隻柴犬“仔仔”及“Charcoal”的趙海珠,分享養狗狗的趣事。趙海珠本來只養了仔仔,後來再收養Charc
-oal。她說柴犬天性活躍好動,仔仔及Charcoal亦不例外,趙海珠憶述兩隻狗狗差點走失的經歷,“有次仔仔衝咗出門,好彩有人執到佢,帶佢去獸醫檢查晶片,送返畀我哋。另外,Charcoal試過兩次喺樓下公園走失咗,不過佢好醒目,去返大廈管理處等我哋。”
很多人因生BB而棄養寵物,趙海珠卻選擇訓練牠們成為一家人,“陀BB時我買咗個BB公仔放喺屋企,等佢哋習慣下。第一日帶BB返屋企,就畀兩隻狗狗嗅下,教佢哋係三兄弟。”三年後誕下囡囡,趙海珠依照同樣的方法訓練狗狗,“我記得第一日帶囡囡返去時,Charcoal非常開心,不停搖尾同高聲吠,又喺床邊跳來跳去,好似想望下妹妹咁。”她更教導子女視狗狗為哥哥,現時一對子女與狗狗猶如家人一樣,相處融洽。
留言