奪Cash音樂成就大獎
阿B:會繼續寫歌
“2016 Cash周年晚宴暨金帆音樂獎頒獎典禮”前晚舉行,鍾鎮濤(阿B)獲Cash音樂成就大獎。最佳男、女歌手演繹獎分別由張敬軒及衛蘭奪得;陳奕迅、鄧紫棋分別獲頒粵語流行作品獎與國語流行作品獎,但不少歌手缺席領獎。
阿倫前晚擔任頒獎嘉賓,他將Cash音樂成就大獎頒予阿B時,大讚對方:“阿B好有作曲才華,溫拿第一首歌《玩吓啦》佢都有份寫,到今時今日先攞獎,好似有啲遲。”阿B即笑言:“我唔怕遲,最緊要有。我亦趁呢機會,多謝黃霑為溫拿創作了好多首金曲。”
阿B在頒獎禮後接受傳媒訪問,問他是否等了這個獎很久?他笑言:“又冇話特別等,呢個獎唔係見你年紀大就畀你,係個幕後大獎,都要有好作品先得。(《誠懇》是否你最滿意的作品?)我作歌唔多,但得獎命中率高。以前出碟時,唔夠就自己寫,唔覺意就做埋創作歌手,我所作嘅歌都係講自己嘅心路歷程。(最滿意的歌曲是哪一首?)下一首,哈哈!我都會繼續寫歌,可能囡囡想唱歌,我都會畀佢寫。而且囡囡鍾懿有作歌天份,有時我哼完幾句,佢就會接住唱落去,我都有記低。(可會同女兒一起作曲?)唔出奇,隨時都會。”
阿倫也一起受訪,問他是否真的覺得阿B得這個獎太遲?阿倫表示:“係就係遲咗啲,我九年前都已經攞咗。但佢得獎係實至名歸。(阿B可有為你作曲?)我已經唔記得,但我就有為佢作過歌。我記得溫拿時我哋仲一齊作過《千載不變》。”
留言