媒體
分類
新聞
- 「東方威尼斯」 貴州鎮遠古鎮
美式快餐！ JW歎漢堡鋸扒
2016-11-04 00:08
食快餐唔代表頹，JW萬豪酒店的「大堂酒廊」最近就推出正宗美式快餐「美式傳統漢堡脆薯午餐」及「美式傳統牛排脆薯沙律晚餐」，酒店級水準加上舒適環境，點都好過食連鎖快餐啦！
「美式傳統漢堡脆薯午餐」提供五款漢堡，食客可任揀一款，另配薯條及飲品，若嫌唔飽，重可以加多18蚊揀選炒蘑菇、煎蛋、瑞士芝士或煙肉。不過小記認為更抵食是「美式傳統牛排脆薯沙律晚餐」，不但提供多款安格斯牛扒，每塊足八安士，還配上沙律、薯條、醬汁、芥末及調味鹽，只要加多38蚊即可揀選蘆筍、蘑菇及奶油菠菜等配菜，十分超值！
漢堡有五款口味，包括經典漢堡、夏威夷漢堡、德州墨西哥漢堡、脆魚漢堡及健康素菜漢堡。
晚餐可選肉眼扒、西冷扒或牛脊肉。
留言