智霖指有喜係誤會
靚靚冀祝福成真
張智霖(Chilam)及袁詠儀(靚靚)昨日聯同呂良偉及楊小娟兩夫婦出席於澳門舉行的某名牌專賣店剪綵儀式。近日有指靚靚懷孕兩個多月,鬼馬的Chilam笑稱自己雙喜臨門,澄清只是一個美麗的誤會,但對於大家的祝福會照收!
靚靚昨日身穿黑色連身裙與老公Chilam一同出席手錶品牌活動,期間頻頻以手護肚。問到懷孕傳聞,Chilam摸住自己個肚表示:“雙喜臨門,我四個月,她兩個月。”之後補充說:“我也是從媒體口中得知老婆懷孕,這是喜事,我先不去否認。”Chilam覺得阿靚近日肥咗,所以令人誤會。追問兩人係唔係真有喜?Chilam就好認真咁講:“都話係啦!太美好事情都唔係好真實,好的祝福會先全部接收。”
靚靚坦承也想再生一個女兒:“我都四十五歲了,雖然現在醫學昌明,但也要睇緣份。希望藉傳媒的力量讓好事成真吧!”靚靚表示自己其實已經瘦咗,“真係工作辛苦,而且我只食海鮮同素,冇食肉,相對之下Chilam就發福了。”這時Chilam反問太太是否自己有咗都唔知?靚靚說:“我生過點會唔知呢!公司個女仔話,如果我有咗,佢都幾驚,因為我狂吃大閘蟹。總之,大家的祝福照收。”兒子魔童有沒有表示要弟妹?她笑言兒子沒有特別想法:“他首先努力讀書吧!”
久沒露面的呂良偉表示自己收藏的錶唔多,最貴的亦只値百萬,買錶以實際為主,既要美觀又合用。提到阿呂首度主唱電視節目主題曲備受好評,楊小娟表示一直鼓勵老公轉型做歌手,阿呂則說以後會多作這方面的嘗試。
阿呂又透露最近為了演舞台劇苦練舞蹈。有傳他將會出書分享養生心得,阿呂表示有此打算,更自爆受邀到英國劍橋大學演講。
留言