澳隊國足齊加油
首先恭喜澳門在團結盃殺入決賽,明天將與尼泊爾爭奪冠軍,更希望澳門隊職球員上下一心,一鼓作氣能勇奪首個由亞洲足協主辦的國際賽冠軍。
雖然團結盃屬東亞盃遺材賽,但對近十年八年少踢國際賽的澳門嚟講,絕對係與外隊比賽吸收經驗的大好機會。姑勿論今次能否奪冠而回,澳門在今次比賽已令波迷驚喜,特別係球員比賽鬥心。更要讚當然係一班教練團隊,今次有突破成績,已證明教練團所付出的一切,一心一意為澳門足球而努力的心血並冇白費。
講開教練,不得不提國家隊。由意大利名帥納比帶領下在明晚展開第一戰,與卡塔爾踢世界盃亞洲區十二強賽。國足要出線決賽周機會微乎其微,令球迷期待的只係納比點樣去改革國足。納比新官上任,首場比賽當然唔衰得,尤其對住千千萬萬的中國球迷。如何令中國足球起死回生,納比確係給中國球迷一個新的希望。
最後希望澳門與國足今次能夠帶給球迷“雙喜臨門”。
足球評述員 Ben
留言