昔日好友反目劉嘉玲關之琳同場過招

媒體

分類

新聞

去年11月，關之琳突然宣布和台灣富商陳泰銘離婚，並暗示劉嘉玲與前夫相約行山，是不顧她的感受，令兩人逾20年友情決裂。事隔一年，日前劉嘉玲和關之琳齊齊出席好友婚宴。問到兩人見面會否尷尬？關之琳寸爆說：「佢應該會尷尬啲。」而劉嘉玲亦不甘示弱，她霸氣回應：「我行得正企得正，點解要尷尬？」

日前，關之琳以一身黑色性感打扮出席好友婚宴，她透露會送禮金給一對新人。問到回復單身後是否有追求者？關之琳表示：「了解一個人唔使急，而家做嘢好忙，忙做公司嘢，間中Date下都OK嘅。」談及上一段感情是否受傷了？關之琳說：「拍拖其實好辛苦，亦好嘥時間，如果唔啱嘅人更嘥時間，要好好睇清楚。」

隨後，劉嘉玲亦以一身紅色高貴晚裝現身，她表示已送上金器做賀禮。問到有沒有和一對新人分享夫妻相處之道嗎？劉嘉玲表示：「每段關係有唔同嘅化學作用，冇得學，亦冇方程式。我都學習中，人每日都在變。」劉嘉玲趁機爆老公梁朝偉難搞，她說：「我嗰件都好難湊，但而家有改善。我都好難搞，我媽咪話我太硬頸。」

在婚宴上，劉嘉玲大爆老公梁朝偉難搞。

問到關之琳昔日好友劉嘉玲亦在現場，會否乘機找對方敍舊？關之琳笑言：「唔知呢，再算喇。」問到兩人是否已冰釋前嫌？關之琳拒絕回答。當有記者問兩人見面可有芥蒂時，關之琳表示：「我唔會，佢應該會尷尬啲。」對此，劉嘉玲回應：「我點解要尷尬，我行得正企得正，如果佢咁講舒服啲，隨便佢講。」

關之琳不滿劉嘉玲和前夫相約行山，昔日好友搞到反目成仇。

昔日好友反目 劉嘉玲關之琳同場過招