媒體
分類
新聞
以油制乾！ 秋冬潤膚油物
2016-11-21 00:21
護膚油近年備受追捧，事關單用又得，加入面霜一同使用又得，得咗！（互聯網圖片）
夏天冷氣強勁，冬天天氣乾燥，保濕真係幾時都咁重要。早前鄰埠的消委會公布調查報告指，唔少貴價保濕面霜其實功效參差，令人大跌眼鏡！想令保濕效果事半功倍，不如選用滲透力強又滋潤的護膚油。今期特別為各位嚴選四款親民油物，請按膚質對號入座，好好加「油」喇！
fresh 海莓重點急救
唔少人聽到油就怕怕，不妨混和面霜或眼霜一齊用，重點急救Dry爆部位。fresh的「海莓養分倍效精華油」蘊含抗氧化的胭脂樹萃取、番茄萃取，保護皮膚免受自由基侵害、奧米加3、6、7和9深層滋潤皮膚、山茶花籽油則有鎖水功效！
fresh「海莓養分倍效精華油」MOP400/15ml
THE BODY SHOP十種精油補水
早前勇奪美容大獎的THE BODYSHOP「極致賦活精華油」，蘊含智利玫瑰果籽油、埃及黑小茴香籽油及中國山茶籽油，再配合七款天然精油提煉而成，為肌膚補水之餘，同時形成保護屏障，防止水分流失，令皮膚時刻保持彈性。
THE BODY SHOP「極致賦活精華油」MOP419/30ml
Thursday Plantation玫瑰果淡斑去紋
Thursday Plantation 唔只茶樹油出名， 其玫瑰果油亦係口碑之作。「有機認證玫瑰果油」有齊必要脂肪酸、維他命A及抗氧化劑，不但滋潤肌膚，還可減淡皺紋、色斑和暗瘡印，清爽易推，毫不黏膩，重可以搽埋喺髮根同時做保養。
Thursday Plantation「 有機認證玫瑰果油」MOP198/25ml
Kiehl’s 薑根抗氧化
Kiehl’s的「全日防護活肌精華露」蘊含高濃度植物油，如薑根精華油有抗氧化功效；葵花籽油則強化肌膚屏障；瓊崖海棠油萃取自玻里尼西亞的瓊崖海棠樹果實，擊退疲累，而且質感輕盈如水，容易推開，沒有油膩的感覺。
Kiehl’s「全日防護活肌精華露」MOP430/30ml
留言