岑麗香宣佈婚訊
岑麗香昨日下午在社交網站貼出和圈外男友強強(Joshua)的合照,並宣佈二人拉埋天窗。她留言道:“我好感恩,終於可以同大家宣佈,上帝畀我搵到我嘅Mr.Right喇!多年前我哋喺溫哥華因為工作關係而認識,但自此並冇聯繫,估唔到多年之後,喺朋友嘅介紹下,我再次遇上強強(Joshua),由朋友變成我男朋友。而到今日,成為我未婚夫!能夠同自己嘅心靈伴侶結婚,係一種幸福。我哋好期待踏上人生另一個階段,可以一同經歷神一齊成長。感謝我嘅家人、朋友、弟兄姊妹、同事一路幫我哋保持低調同保守秘密,多謝觀眾同粉絲朋友們一直嘅支持同祝福!感謝傳媒朋友一路以來對我嘅關心同鼓勵,拍拖之後你哋都好照顧強強。大日子快到了,依家忙於準備,請體諒我未必可以完全回覆到大家。好感謝大家,你哋嘅祝福我完全收到晒!願主祝福你哋!”
據悉,香香稍後將在加拿大溫哥華舉行簡單婚禮,會邀請圈中好姊妹和親友出席,分享她與強強踏入人生新階段的喜悅。
留言