跑兩大橋增新鮮感
一年一度的銀娛國際馬拉松明日舉行,相信一眾跑手已準備就緒,上屆男女子全馬冠軍續參賽,接受各路人馬挑戰,今屆賽事精彩可期。
上屆賽事搞搞新意思,改動路線途經世遺景點,讓一眾外地跑手感受澳門中葡特色文化。不過跑入澳門大學校區,河底隧道空氣流動不足、比較侷促,唔多討好。大會收集意見今屆賽事路線再有改動,改為跑嘉樂庇總督大橋,早前田總長跑聯賽半馬賽事,特別選用新路線作測試,對於跑足兩條大橋,一班跑手認為甚具挑戰外,亦增加新鮮感,紛紛大呼過癮。
根據氣象台預計,賽事當日溫度十八至廿四度,濕度約為六十四至八十五,雖天陰有雲,但預料未會落雨,相信有利跑手發揮。不過近日本澳氣溫乍寒乍暖,尤其一早一晚,跑手仍需有所準備,賽前最緊要做足熱身,賽後亦緊記做好放鬆運動。
長跑是一項挑戰自我意志、耐力的運動,一年一度長跑盛事,有不少的跑手都會嫌唔夠喉,選擇越級挑戰。但無論迷馬升半馬,抑或半馬升上全馬,兩項賽事之間,路程距離都相當大,跑手需緊記量力而為,時刻留意身體狀況,切勿勉強。最後,賈某亦藉此祝願各位跑手,能夠好好享受今屆賽事,突破自我跑出好成績。
賈大廚
留言