曼聯難“索”兩球
歐霸盃分組賽明晨踢最後一輪,英超曼聯將作客烏克蘭索爾亞,只需一分即可出線。穩陣派的“老摩”必以出線為首要目標,隨時擺出求和格。
曼聯在首循環於奧脫福只能小勝索爾亞一球,說服力稍不足,今場初盤仲要硬讓球半,近五場作客的紅魔鬼只得一勝兩和兩負,實在信心有限。索爾亞已無緣出線,勝負根本無關重要,但落到場點都要踢得好好睇睇,更唔想慘敗收場,既然毫無壓力,可能會發揮更出色,不妨捧索爾亞唔贏波都贏盤。
老摩部署一向都較着重防守,何況今場唔輸都晉級,但求穩打穩扎。且下仗英超要火併熱刺,老摩至少要爭前四,今場人腳調動極可能有保留。
索爾亞在五場歐霸盃只得兩和三負,實力明顯未夠班,但輸波都係一球起兩球止。對住同組三支歐洲傳統強隊,索爾亞防守已算有交代。曼聯隨時贏波輸盤。
推介:曼聯1:0
Ben
足球評述員
留言