媒體
分類
新聞
友邦廣場覓食 精選美食過聖誕 SKY 21 獨特夜景歎大餐
2016-12-08 19:54
聖誕節愈來愈近，無論情侶、家人還是朋友，最好就是相約飯聚歡度。位於南灣湖邊的友邦廣場（AIA Tower），位置就腳，估唔到裡面藏有不少特色餐廳，最近更不約而同推出應節菜單。時間關係，今期為大家精選出六家餐廳，由歐陸、日韓甚至粵菜都有，等大家過個飽暖冬日！
聖誕大餐人人趨之若騖，相信友邦廣場頂層的SKY 21，無論環境還是美食都能滿足要求。「2016年平安夜特色歐陸晚餐」的精緻前菜夠吸引，包括法國尼斯沙律配輕燒吞拿魚、南瓜薯蓉忌廉湯濃滑、帆立貝煎得外香內軟，配忌廉汁更滋味。主菜可二選一，分別是「海鱸魚柳伴牛油汁煮龍蝦配魚子醬香檳汁」和「輕燒鵝肝伴免翁牛柳配甜酒汁」，前者牛油汁煮波士頓龍蝦厚肉鮮味；後者用最嫩的牛柳末端，加上鵝肝成絕配；食埋「雲尼拿雪糕泡芙伴熱朱古力漿」，再每位奉送一杯香檳，來個浪漫收結。
2016年平安夜特色歐陸晚餐 MOP 680/位有派頭的平安夜晚餐，有輕燒吞拿魚、帆立貝、鵝肝牛柳等，令人胃口大開！（李國星攝）
主菜二選一，其中海鱸魚柳伴牛油汁煮龍蝦配魚子醬香檳汁，鮮味無窮。
SKY 21頂層可盡享270°開揚澳門夜景，更不時有現場音樂助慶。
留言