美女廚神名利雙收
阿佘帶徐崢嘆港美食
內地真人騷節目大受歡迎,連內地大導演徐崢亦開拍全新節目《食在冏途》。新一集節目邀得佘詩曼任嘉賓,更專程拉大隊到香港拍攝。據知今次節目每集都有重量級嘉賓,香港的藝人嘉賓則分別有佘詩曼、林峰跟歐陽震華。
佘詩曼(阿佘)近年主力開拓內地市場,拍戲之餘亦為綜藝節目任嘉賓。早前阿佘參演烹飪節目,更贏得冠軍,成為“美女廚神”,之後便不斷獲邀請參加各式各樣的飲食節目,就連徐崢主理的全新節目《食在冏途》,也選定阿佘當嘉賓,製作組更專程拉大隊到香港拍攝外景。
拍攝當天,攝製隊到了大澳拍攝,阿佘更充當導遊帶徐老闆嘆盡大澳地道美食,走遍小巷橫街買特產虎蝦乾等做手信。阿佘心情大好,笑說:“今次被徐崢邀請做呢個節目嘅嘉賓,當然開心啦,開正我嗰瓣,既可代表香港介紹美食,又可以將大澳地道食材推介畀內地觀眾。”
阿佘成為“美女廚神”,除了工作滾滾來之外,最重要是建立起“入得廚房”的好女子形象。阿佘笑說:“如果係嘅話,都算意外收穫!我的確覺得生活上有咗啲變化,以前只識得出街搵嘢食,搵間靚餐廳幫襯,但依家我可以親手煮好菜式同朋友家人分享,令我終於明白媽咪平日煮嘢食嘅感覺,係放咗好多愛心喺餸菜入面,呢份滿足感真係好大!”
留言