陳奕迅大讚老婆識教女

媒體

分類

新聞

昨日，陳奕迅（Eason）現身香港尖沙嘴出席慈善籌款活動，現場佈置充滿聖誕氣氛，Eason亦受感染心情大靚，不停向圍觀人群揮手打招呼。問到聖誕節送甚麼禮物給老婆徐濠縈和女兒康堤？ Eason表示送給家人的最好禮物是時間，又大讚老婆教女有方，女兒聽話自己好自由。

在接受訪問時，談及最難忘的聖誕節，Eason表示是有一年去醫院探望一名患絕症的小朋友，他說：「起初擔心見面時唔識應對，但覺得對方經歷過大事，會比自己更堅強，所以將想講嘅轉為歌曲唱畀小朋友聽，音樂好直接唔吞吐，又將緊張尷尬緩解，果次經歷反而變咗自己最好嘅禮物。」

陳奕迅表示女兒聽話全賴徐濠縈教導有方。

問到今年聖誕如何度過？ Eason坦言和往年一樣留在家中陪伴家人，他說：「屋企嘅小姐（女兒）好快有自己嘅諗法，我覺得送畀佢最好嘅禮物就係時間，大家相處嘅時間先係最有意義，比一切物質禮物更好。」當問到女兒會不會要求去旅行時，Eason即大讚徐濠縈識教女：「老婆教得好，個女好聽話，我好Free。」

陳奕迅聖誕將和家人一齊過，表示送給家人最好的禮物是時間。

在活動尾聲，Eason即場親手寫明信片給聖誕老人，而他的聖誕願望則是：「將笑容放在任何人的臉上！」問到Eason怎樣實踐這個願望？他直言首先要自己多點笑容︰「每個人都有心情唔好嘅時候，習慣一集中就皺眉，要提醒自己個樣鬆一鬆，你笑嘅時候會發現其他人都笑，可以感染其他人。」

活動現場佈置充滿聖誕氣氛，陳奕迅亦受感染心情大靚。

陳奕迅 大讚老婆識教女