倫敦打吡和味濃
英超進入次循環,隨即為球迷上演好戲碼,熱刺與車路士上演倫敦打吡,肯定打到甩髀。
熱刺目前與車仔相差十分,今戰若不幸落敗,奪冠機會會變得相當渺茫。更重要係繼續保住前四,一定與車仔鬥搶。不過睇返近十次對賽,熱刺只贏過一場,其中輸五次,包括今季首循環輸一比二,在倫敦似乎仍被車仔騎住。
在列強對陣中,熱刺鬥心相當強,無論打曼市雙雄、利物浦及阿仙奴,同樣採取鬥攻戰術,近兩場分别大勝修咸頓與屈福特,證明前線有足夠火力。且十九場聯賽僅失十四球,只少車仔一球,係英超防守第二佳。加上今季主場七勝兩和保不敗,今仗有力撼“車”。
講防守,車仔更屬強項,特別由干地接手後,將“意式”穩健踢法發揮得更淋漓盡致,相信作客熱刺仍穩守為主。既然兩隊都係“保守派”,和波機會相當高,初盤平手好正路。
推介:和波一比一
足球評述員 Ben
留言