媒體
分類
新聞
張敬軒 轉軚出戰《歌手5》
2017-01-09 22:36
繼樂壇天后林憶蓮落實參加內地歌唱比賽節目《歌手5》後，噚日張敬軒（軒仔）亦喺微博宣布出戰比賽，兩人將喺節目中一較高下。事實上，軒仔於2015年曾自爆節目有邀請佢，當時軒仔話歌唱比賽唔啱自己，仲話唔想成為節目嘅犧牲品。今次軒仔轉軚參加節目，引嚟唔少網民翻舊賬，但軒仔一於懶理網上評論，佢話：「一個舞台，一支話筒，關於音樂和情感，但願你能從中再次認識我。」
張敬軒轉軚參加《歌手5》，引嚟唔少網民翻舊賬。
而另一邊廂，唔少網民亦對林憶蓮出山參加《歌手5》感到失望，有粉絲認為佢唔應該參加節目自降身價，更有人留言表示愛錯偶像。對此，噚日林憶蓮喺微博上載一段短片回應抨擊，佢話：「光環這個詞，聽起來很美，但也可能是束縛。我不喜歡光環，因為我更想真實的面對人群，唱過很多歌說過很多故事，但是我知道在音樂裡，還有著神秘的無限可能。」
有網民認為林憶蓮唔應該參加歌唱比賽自降身價。
留言