黎耀祥劇王名副其實
黎耀祥“萬歲”,《八時入席》剛散場,即有現實的“愛回家 · 八十人入席”。祥仔自掏腰包,大宴劇組人員慶功。曾經有三個月,這處境劇收視超過了黃金時段的兩個台慶劇;《愛 · 回家》成了劇王。
無線也有意標籤祥仔為“劇王”。已經開始,上午播黎耀祥的《西遊記2》,傍晩播他的《財神駕到》,晩上播他的《巾幗梟雄3》。
“好快完了。”記者指《巾3》。祥仔一窒,“係呀,我人生都好快完,哈哈。”演藝界吃十三方飯,百無禁忌。岔開一筆,《阿爺廚房》的鼎爺,似乎最棹忌聽到阿譚驚叫“差唔多”。鼎爺即嚴肅更正,“不是我差唔多,係食物差唔多熟。”可是,對手仍一而再三,訝然驚叫“鼎爺,差唔多嘞”……鼎爺一再面燶。方太微博留言:“阿譚最好少講話。”節目拍檔,一定有交流,不在話多話少,關鍵係啱Key。
講回祥仔“王者之風”。周日他隨一班無線藝員出席百萬行……似有捭闔天下之勢,公然大嘆無敵最寂寞。祥仔喟然,“今年唔見咗亞視,有的唔習慣。往年亞視隊伍好雄壯,聲勢好大,有好多我哋認識嘅朋友,好似肥仔賢。還有啲老闆我哋都熟,佢哋好嘈,熱鬧好多……”墟冚依舊,人面已非。祥仔訝然並列而行的隊伍,已變了ViuTV,“好似比較靜,不過唔緊要,潮流就係咁,一代一代。(TVB贏晒聲勢?)OK啦,攞奬同事都到齊。”然而,祥仔未與陳展鵬、胡定欣、龔嘉欣合照。百萬行中,與四名“手下”談笑甚歡。
“八時又入席,TVI綜藝科又聚集,齊齊撑TVB公益金百萬行,再次看到大家,眞的莫名開心。”黎耀祥微博貼上師徒合照,留言道:“希望大家以後更上一層樓,大紅大紫馬貫東。”粵語片時代有位大紅星,口頭禪“有風一定要駛盡巾里。”趁自己有影響力,盡量幫助別人做點好事。祥仔樂意捧新人,《愛》劇演“邦主”愛將的“十仔”馬貫東,現實中也最得祥仔看好,“大紅大紫”淨係給他的。其實,馬貫東也非池中物。去年,馬來西亞及台慶頒奬禮,已獲提名飛躍男演員,但兩次都成為張穎康手下敗將。
一日播三劇,無線劇王祥仔,要叫祥叔了。他説已不復當年勇,一年拍六劇,而今只能拍二劇,要留力揀劇拍。
高 梁
留言