入行十八年終擔正
楊明讚莊思明好腳頭
楊明入行十八年,終於可以擔正做男主角。昨日他為新劇《抱佣情人》試造型時,坦言與莊思明拍拖後,事業暢順,大讚女友“腳頭好”。問他何時會娶對方時,他表示現在會先專注工作,結婚之事唔心急。
昨日,無線新劇《抱佣情人》試造型,劇中主要演員楊明、高海寧、陸永、張嘉兒等齊出席。
楊明受訪時,透露於劇中與陸永扮演孖生兄弟。問他們是否要“神同步”演出?楊明表示:“咁又唔使,因為講我哋雖然係孖生,但性格唔同,我喺劇中係演一個自大狂嘅男人,陸永就演超級宅男。”
楊明入行十八年,今次終於嘗到當男主角滋味。他也不諱言與女友莊思明拍拖後,事業暢順,讚莊思明旺他。他笑言:“今次係首次擔正,我會努力去做。(何時才娶思明?)結婚要時間安排,我今年會好忙,遲啲先啦。而且我都唔心急。(如果有意外呢?)唔會嘅。”身旁的陸永,以過來人身份搞笑地鼓勵楊明“製造意外”,努力造人。因為若有小朋友,就會令他定性。
高海寧透露劇中與楊明會經常吵架,但暫時唔知可有閨房戲,亦未知戲中可會有性感演出。她表示:“我喺戲中演一個貪錢嘅女人,同我現實中好唔同,哈哈。”高Ling明日便三十歲生日,她表示已約好一班好姊妹全女班開慶生派對。
張嘉兒產後復工拍這劇,她笑言開工時都會唔捨得四個月的囡囡。她表示:“由於我仍餵人奶,放工返屋企後,會預先泵好奶放雪櫃留返餵囡囡。我人生中第一次‘斷片’,唔係飲醉酒,而係餵奶時攰到瞓着,瞓醒先發覺自己喺床上。”
留言