列斯贏“比”賽

媒體

分類

新聞

今日介紹場英冠畀大家，由列斯聯對打比。

列斯聯目前排第五，打比低兩位排第七。列斯聯近六戰取得五勝一和不敗，打比係三勝兩和一負，列斯聯近期整體狀態較穩定。計對賽往績，雙方互有勝負，首循環打比雖一球小勝列斯聯，但列斯在場上優勢佔上風，今仗更有主場之利，奇怪在初盤開出只係平手，各投資者的確要留意。

以波論波，列斯聯平均人腳較佳，前鋒線有活特與安頓臣，中後場有P靴南迪斯、巴特利及貝拉迪等稍有名氣球員，更有前英格蘭國門格連把守最後一關，至少可睇高半線。唔使讓波，一於捧列斯聯贏波。

打比要爭取升班，目標至少要爭上前六，今仗必全力爭勝。惜球隊入球能力不足，廿五場聯賽只入廿四球，係廿四隊中入球最少的三隊之一，赢波本錢有限，能搶走一分已偷笑。

推介：列斯聯二比〇

足球評述員 Ben