馬拉加主場封“皇”
西甲明晨獨腳戲有馬拉加對皇家蘇斯達。
雖然馬拉加目前排名不及皇蘇,但近兩季交手未輸過畀皇蘇,更取得兩場勝仗,加上今季聯賽八個主場,取得五勝兩和一負不俗成績,馬拉加今仗絕對未驚過“皇”氣。
皇蘇上場聯賽惨吞西維爾四蛋,聯賽榜跌落第六位,士氣唔多唔少受到一定打擊。周中西班牙盃,皇蘇與維拉利爾激戰一場,幸好能保住不敗晋級。
不過,今戰係球隊十日内第三場比賽,三日後亦要與巴塞爭入西班牙盃四強,戰況頻密,球員發揮肯定受到影響。明晨作客馬拉加,失分可能性極高。初盤平手,馬拉加主場夠惡唔使讓波,捧硬主隊掃“皇”。
馬拉加暫時排第十三位,與降班線距離九分,護級壓力唔大,可以放盡嚟踢。當然,更希望能夠繼續搶分提早上岸。
相反,皇蘇要爭前四並非客易,競爭對手有巴塞、馬體會及維拉利爾,即使差幾分波都較為艱難,對住馬拉加如此硬朗球隊,皇蘇有輸冇贏。
推介:馬拉加2:1
足球評述員Ben
留言