巴塞遇“蘇”把星
今日繼續推介西班牙盃八強首回合,皇家蘇斯達先踢主場對巴塞羅那。
翻查數據後,不得不提皇蘇近九次主場對巴塞取得五勝四和不敗,盤路更加唔使講,巴塞輸足咁多場。皇蘇的安奴達球場似乎係巴塞凶地,皇蘇球員心理上無疑佔優,自然踢出加一波。巴塞近兩場作客一和一負,先不敵畢爾包,再驚濤駭浪逼和維拉利爾,表現實在差強人意。
今季聯賽首循環,巴塞作客皇蘇都係落後下追和。皇蘇全場十七射六中目標,巴塞只得十射兩中,連最強的控球指數,巴塞亦不及皇蘇,的確近年罕見。巴塞近幾場基本上強陣出擊,輪換幅度唔大,球員體能會受影響。反而皇蘇上仗對馬拉加有三、四名主力輪換,明顯想集中戰力攻西班牙盃,戰意及信心毋須多講。初盤巴塞讓一球,捧皇蘇至少不敗。
推介:皇家蘇斯達1:0
足球評述員 Ben
留言