球賽收爐球迷餓波
猴年過去雞年已到,新春佳節賈某先藉此機會向讀者拜年,祝各位讀者身體健康、事事順利;同時祝願一班本澳運動員,在雞年再創高峰,為澳爭光。
昨日本欄提及,香港在今年暑假或搞英超挑戰盃,邀請利物浦等勁旅參賽。不過鍾意睇波的球迷,亦不需等到暑假,香港足總在今個農曆新年同樣繼續搞賀歲盃,包括FC首爾、蒙通聯,奧克蘭城等強隊列陣,賽事相當有睇頭。
回說本澳,雖然春節期間,不少體育社團、體育局均有各類型賀歲康體活動,讓市民享受長假同時“齊運動健體魄”。不過像香港賀歲盃足球賽這類大型賽事則仍然欠奉,加上本地足球聯賽及各項目賽事同樣收爐,一班球迷難免冇癮。
其實以往本澳有舉行過類似足球賀歲盃的賽事,十多年前暑假更邀得巴塞羅那、車路士等世界級勁旅來澳獻技,可惜近年反有點倒退,大型賽事無影無蹤。雖然港、澳兩地難以比較,畢竟香港足球市場商業性質高,有能力主辦大型賽事,加上大球場收入亦足夠回本。單以商業角度出發,澳門的確難以承擔,球迷難免得個望字。
邀請歐洲著名球隊所費不菲,不過足總大可舉辦本地足球明星賽,邀請聯賽球員、名人及一班足球前輩等落場獻技,雖平民化但亦有睇頭。為大眾提供一個假日節目之餘,藉此為澳門足球作宣傳,一舉多得。
賈大廚
留言