皇馬恭喜發“達”
西甲豪門皇馬終於受到挫折,在西班牙盃八強出局。其實有好有唔好,聯賽榜首位置未坐穩,歐冠十六強下月中又再展開,目前陣中傷兵亦唔少,太多比賽兼顧未必係好事。銀河艦隊明晨又要出擊,主場迎戰皇家蘇斯達,要保住榜首之位,三分志在必得。
皇蘇同樣在西班牙盃八強止步,且大敗收場,唯有集中精力踢聯賽。皇蘇近七次去到班拿貝球場輸足七場,其中有六場輸過两球或以上。今場初盤皇家馬德里讓球半/兩球,銀河艦隊值得捧場。
皇馬近況確實並非太好,近五場比賽只得一勝,更有兩場敗仗。人員方面,摩特歷、馬些路及巴利三大主力因傷缺陣,仲有丹尼爾、柏比、卡華積及洛迪古斯等傷兵,戰力大受影響。但考慮到替補力仍具一定質素,加上主場威力,皇馬依然可取。
列強當中排得第五位,皇蘇亦唔簡單。只不過,主客場表現相當鮮明,尤其踢作客對住強隊經常攻守失據,恐怕難以逃出班拿貝。
推介:皇家馬德里3:1
足球評述員Ben
留言