媒體
分類
新聞
楊千嬅 被轟怪獸家長
2017-02-06 21:54
近日，網上翻炒一段楊千嬅於2015年接受訪問嘅片段，當中佢講到兒子Torres鍾意《魔雪奇緣》入面嘅Elsa，楊千嬅話自己知道之後，責罵Torres太女性化，又爆Torres鍾意粉紅色同煮飯仔，所以擔心兒子會變乸型。片段於網上瘋傳後，大批網民炮轟楊千嬅係極品嘅怪獸家長，仲有人留言話：「連小朋友喜好都要控制，好無聊。怪獸家長，做佢個仔冇自由。」
楊千嬅責罵兒子太女性化，遭網民炮轟係極品怪獸家長。
對於網民嘅批評，噚日楊千嬅於Facebook發表長文回應，佢話自己係新手媽媽，好多嘢仲學習緊，亦會尊重兒子嘅選擇。楊千嬅話網上嘅聲音對自己係一種提醒，佢話：「不管工作上多理性，面對當媽媽的困難和憂慮，不懂得怎樣了解自己的孩子，很怕會為他們選擇錯誤，亦因為如此，會有一些愚昧無知的憂慮。其實最終不用想太多，路是他們自己走出來的。陳年訪問，抱歉引起不安。」
楊千嬅話自己係新手媽媽，好多嘢仲學習緊。
留言