轉型當歌手
莊思明“嫁”入帝皇門
莊思明宣告正式加盟帝皇娛樂,並於前晚的春茗晚宴上舉行簽約儀式,身穿婚紗的思明由姐姐莊思敏“送嫁”,把她交給反串新郎哥的帝皇娛樂董事劉麗萍(Apple姐),在現場嘉賓見證下進行簽約儀式,正式“迎娶”思明過門。
思明獲Apple姐大手筆送上三卡鑽戒,她笑說:“今日才知道Apple姐咁大手筆!今次是簽經理人約,跟無線仍有藝員約。未來主力音樂和電影工作,已開始搵人寫歌。Apple姐希望我走韓風路線,適量舞蹈和性感,有些歌配合到便着熱褲。(男友楊明唔准你性感?)唔係,他都會除衫拍劇啦。大家都知對方的底線,總之要預先講聲。好似佢拍親熱戲前都要先告訴我,不能先斬後奏,之後會迫他一齊睇,所以他經常說我變態。(合約期內不准結婚?)冇說明,我反而擔心自己會突然生仔,不過我唔會唔小心。(咁幾時結婚生仔?)唔係我話事。”
昨日情人節加上今日生日的思明,卻透露男友要開工,已與男友提早慶祝,並收到對方的名貴腕錶。她開心地說:“收到時都呆一呆,沒想過他買這樣貴重的禮物。所以男友月底生日的禮物,我要重新為他想一想,但應該趕不及訂購同款男裝的情侶錶。”
莊思敏特地現身為妹妹“送嫁”,表示知道妹妹有計劃出碟,希望她一切順利。問會否和思明合唱?她稱:“佢唔驚的話,我都唔驚。但佢歌藝比我好,自細便喜歡唱歌,現終於完成心願。(有否拉攏你加盟?)冇,自由身幾舒服。”
昨日情人節,思敏表示為無線新劇試造型,直言沒有男生相約,只有女性朋友叫她去單身派對,但她說:“通常係好熟的朋友,我先會去。”
留言