【本報訊】控煙法修法由最初賭場全面禁煙轉為接納六大博企建議,允許設高規格吸煙室,社會文化司司長譚俊榮指,這是兌現當初的承諾,強調政府絕非「跪低」,亦沒受到任何壓力,新方案可滿足大部份人訴求,已幾近全面禁煙。
面對外界質疑政府此番控煙立場改變是向博企「跪低」?譚俊榮回應時笑言:「唔係唔係唔係!……我哋唔係頭先呢位朋友所講嘅『跪低』,唔係、絕對冇!」
強調在此事上沒有受到任何壓力的譚俊榮說,當初他曾在立法會表示,若獲得員工同意且有高規格的設置標準,就會同意博企設吸煙室,現在對方做到,他自然就要兌現承諾,不然就會被人指責失信。
譚俊榮表示,政府是聽取各方意見、分析研究設吸煙室方案後,認為這是可行、可操作,基本能滿足方面要求,實相當不錯、較好的辦法,「立會意見又咁樣、業界意見又咁樣,員工又六成支持,咁我哋覺得何樂而不為」。
沒有違反控煙法立法原意
至於若改為允設吸煙室違否《控煙法》立法、修法的原意,譚俊榮不認同,並稱賭場設吸煙室和全面禁煙兩者並無特別、互相衝突,「確實係全面禁煙,但係留返個位置畀吸煙嘅遊客或者吸煙嘅員工,等佢哋吸煙,咁佢哋唔會影響其他人」。
至於誰決定有關政策的轉向,譚俊榮始終未有說清楚,只謂目前還未定案,亦不同意今次是「今日的我打倒昨日的我」,違其擇善固執的理念。他也未有回應個人是否贊同設吸煙室,只重申「鄰居吸煙關我咩事呢」。
呼籲六博企同意衛生局優化方案
政府現正等待六博企回覆是否認同衛生局提出的升級版吸煙室設置規格,譚俊榮希望對方能同意:「呢個係好唔錯嘅一個建議、好唔錯嘅一個吸煙室,我都好希望佢哋(同意),係度呼籲佢哋同意啦。」
譚俊榮補充,因今次通過修法後,三年後會再檢討,若今回不通過會影響整個計劃,而那些在貴賓廳工作員工還是要再忍受二手煙。那三年後是否會全面禁煙?他苦笑道:「我都好想呀,樣樣都想呀!但問題係要睇社會嘅共識。」
承認想一步到位的譚司又解釋,要尊重吸煙者和非吸煙者的自由,而不同人有不同意見,政府必須採取以大眾利益為依歸的意見,「呢個就係民主嘅真締!所以我相信,少數人亦都係尊重大多數人的意見」。
留言