曼聯人定勝“天”
歐霸盃卅二強首回合明晨開打,英超勁旅曼聯先踢主場迎戰法甲的聖伊天,有望先飲“頭啖湯”。比賽另一焦點係普巴兄弟內閧。
曼聯經過老摩大半季調教後漸重振雄風,英超力追前四,聯賽盃已入決賽,歐霸盃肯定亦係今季重點目標。為免夜長夢多,首回合主場必先發制人搶先機。目前普巴、馬達、伊巴謙莫域、米希達恩及拜利等狀態十足,前中後三線發揮穩定,聖伊天整體實力一般,曼聯勝算甚高。
聖伊天在法甲屬二線分子,爭標未夠班,今季暫守住第五,班底所限,普巴親兄F普巴係主力後防,聯同踢過英超紐卡素的沙維特及曾效力維拉的維列度,三人已係球隊三大核心,要與粒粒皆星的紅魔鬼力拼明顯未夠班。初盤曼聯硬讓球半,近兩戰攻入五球兼保持不失,攻守有保證,捧曼聯在奧脫福翻“天”覆地。
推介:曼聯三比〇
足球評述員 Ben
留言