地獄式趕戲要有回報

    佘詩曼拍劇揀劇本

    佘詩曼、楊怡、吳卓羲及農夫等藝人前晚出席美容產品頒獎禮，由於活動舉行地點臨近海邊，風勢頗大，穿上白色單肩裙的阿佘被大風吹到頭髮都亂了，貪靚穿上露肩裝的楊怡更凍到起“雞皮”。

    阿佘對於有份演出的劇集《天與地》及《使徒行者》，近日被網民選為經典劇集，她開心地表示自己都鍾意這兩套劇，並反問還有哪些劇集入選。問到何時再拍劇？她表示：“有適合的劇本都想拍，而且我同TVB還有一部劇集合約。”談到馬國明指拍劇試過地獄式連踩廿七個半小時，阿佘指不只拍劇，電影都會趕拍：“我試過拍完劇再去拍電影呀！最重要是出來的成果，收視好就是最好回報。”

    阿佘又透露三月會同黃子華合作一部電影，會飾演警察角色。兩人相隔七年再合作，她表示好期待。她又透露間中就會跟子華見面傾劇本：“子華同我都有份參與劇本創作，不過佢參與多啲，新戲係輕鬆搞笑，動作唔多，唔使幾層樓跳落去咁。（拍電影可會有壓力？）一定有，其實做每一樣工作都會有壓力，會盡力而為，會做足功課。”

    楊怡昨晚少有地穿上露肩春裝現身，初時仍強說唔覺凍，後來才笑說：“但雞皮出賣咗我。”她表示近日忙於為四月到上海、成都、深圳及廣州演出的舞台劇《我和春天有個約會》的彩排：“雖然之前演過，但在新地方演出都有挑戰。”

    婚後與老公聚少離多的楊怡，指之前度蜜月只去了韓國，希望有時間再同老公去旅行。被問舞台劇巡演至四月底，下半年豈不是可以積極造人？她笑說：“承你貴言，完成工作再調理好身體先講。（想唔想快啲做媽咪？）唔急嘅，我同老公都好忙，好少二人世界。”

    近日盛傳C君買豪宅築愛巢，但昨日他就否認：“咁貴，點買得起？租咋。（咁多工作都買唔起？）我又儲唔到一百○五巴仙人工，每日亦慳唔到用五十文以下使費，亦冇要求唔大唔細二千呎樓。（幾時買豪宅？）唔敢諗，好渺茫！（冇樓冇老婆？）吓，咁嚴重？不如娶層樓。”

    C君跟住反問拍檔陸永：“點解你又有老婆嘅？”陸永講：“我有樓就驚，我都係租咋，有太太就當有咗層樓。”再追問到C君是否真的築愛巢？他說：“點為之係愛巢？一齊住當然一定係我女主人，但未必係愛巢，同阿媽住又點？”陸永笑指是“孝巢”。