媒體
分類
新聞
定欣幫施嬅澄清緋聞
2017-02-25 06:35
冇倒追袁偉豪
定欣幫施嬅澄清緋聞
最近，有傳聞指李施嬅降低要求，借胡定欣過橋倒追袁偉豪。胡定欣昨日出席活動時，澄清根本沒有此事，不過都戥二人開心，因為沒有劇集推出都可以上封面。定欣又開玩笑說李施嬅所愛另有其人，這人就是她。
昨日，胡定欣、雨僑、胡琳、陳倩揚等出席護膚品牌活動。胡定欣笑言自己年紀不小，加上工作忙碌，要好好保養皮膚才行。她昨日獲該品牌送贈不少護膚禮品，保養皮膚時可慳回不少。
近來有報道指李施嬅借好姊妹胡定欣過橋，倒追袁偉豪，現在二人已相戀。定欣昨日被追問此事時，明顯有備而來，即時為好友澄清：“佢哋只係Crazy Runner的成員，而且係好朋友，大家都唔會相信呢單傳聞，不過都戥佢哋開心，因為冇劇集推出都可以上封面。”定欣還笑指李施嬅是喜歡她，不是袁偉豪。對於有指袁偉豪和岑杏賢未分手時，李施嬅不避忌地找男方，定欣表示這屬不實報道，只會當笑話看。談到報道指李施嬅借她過橋，定欣表示：“佢根本唔需要借我過橋，佢哋係Crazyr Runner成員，同胡說八道會又好熟，佢哋都識咗好耐，要發展一早就開始咗啦。（佢哋真的係唔過電？）咁我就唔知，使唔使我撥行佢，哈哈！”
雨僑昨日穿上低胸裝性感亮相，她透露將和心目中的男神黃子華合作拍戲，想起都興奮。她表示：“我係佢嘅頭號粉絲，合作時肯定會面紅，最驚係忍唔到笑。（和子華合作係咪好大壓力？）期待至真，因為之前都同劉青雲和謝霆鋒合作過，今次一定冇問題。”
留言