艾威新片首當男主角
艾威為首次擔正做男主角的電影《我老婆未結婚》,昨日與林熹瞳到深水埗鬧市宣傳新片。被問到有冇叫朋友買票支持,艾威指有叫朋友支持,但有些反過來問他要贈券。他希望大家多多支持:“唔知院線負責人年紀有幾大,但我真係陪住好多香港人成長,以前概念係不到黃河心不死,一生人只係做一份職業,唔係太過份,呢啲叫專業。”
艾威笑言落區拉票似選特首,希望打親民牌一人一票支持他入閘。他說:“原本打算公開唱首飲歌《海闊天空》,因為歌詞係人生寫照,但怕畀警察拉話我無牌唱歌。自己在呢行頂到四十年,耐力唔錯,人哋話跌低咗可以爬返起身,但我年紀唔細,怕呢鋪跌得好重,爬唔返起身。”林熹瞳笑言會瞓身支持艾威,任何方法都會嘗試。她稱自己第一份工就是十三歲時派傳單,估不到派傳單熱身了十幾年,就是為了今日撐艾威。
留言