媒體
分類
新聞
- BOOM! 怪物星人香港見面會 阿信突現身站台跳舞惹哄動
- 我佛慈「 BASS 」普渡眾生 佛祖HAND UP潮揚佛法
- 中西方視覺藝術的調適 18至19世紀歷史繪畫作品展
- 牛房倉庫《舶來地》長期個展 《茶間》構建與眾交談場所
甄子丹 擔正拍荷里活新戲
2017-03-09 00:37
噚日，「宇宙最強」甄子丹以大使身份出席公開活動，他透露最近忙於為監製嘅新戲《追龍》做後期及補戲。問到主角之一嘅劉德華要唔要補戲？甄子丹話：「暫時畀佢休息下先，我哋唔想騷擾佢。」講到有傳佢將擔正由大熱遊戲改編而成嘅荷里活新戲《Sleeping Dogs》，甄子丹直認其事：「係呀！但而家係好初步，佢哋要慢慢研究嗰件事出嚟，程序同香港唔同，香港就比較彈性，我又唔急嘅。」
甄子丹最近忙於為監製嘅新戲做後期及補戲。
問甄子丹有冇玩過呢個遊戲？佢話：「幾年前，已經有人叫我睇下呢個遊戲，無論主角造型、動作設計同《導火線》都好相似，於是我上網睇番留言，原來創作遊戲嘅人係我Fans，我覺得幾有趣。而家有公司買咗，搵我主演，完全係度身訂造，呢部戲一定要拍。」問佢會唔會視新戲為另一代表作？甄子丹：「其實每部戲我都當係代表作，冇熱情去拍就會變咗交行貨。
甄子丹有機會擔正演出荷里活新戲。
留言