沈柏彤任《新歌聲》海選主持
沈柏彤早前獲邀擔任內地選秀節目《中國新歌聲》香港賽區海選活動主持。他說:“如果要講做一場活動真正感受到緊張,可以說這一次是最緊張的,但係我嘅緊張唔係喺舞台上緊張,而係喺出發前,擔心自己帶住澳門藝人嘅頭銜,會唔會‘丟架’,但係一去到上到台開工,就完完全全感受到經驗對於做好一件事係幾咁重要,正因為在澳門已經做過超過一百場嘅街頭活動,這一次去到香港反而覺得個難度冇咁高,因為香港觀眾無論係反應定係情緒都比較容易掌握,甚至好幸運地我鍾意‘搞下Gag’、‘鬼鬼馬馬’嘅主持風格大家都幾受落。”
柏彤又說,“可以做到呢一個活動嘅主持已經覺得十分榮幸,這次的活動總監亦是製作過好多大型活動、電影項目等等的專業製作人,從他們身上獲得認同,實在是幫我繼續行演藝路打咗一支‘強心針’!”
沈柏彤這次身為“過江龍”大顯身手的同時,更加為其他澳門歌手力爭曝光機會,特別向主辦方大力推薦,邀請本澳獨立歌手拜華及雷子擔任特邀嘉賓,兩位獨立歌手傾力演唱,令觀眾印象深刻。柏彤也在活動壓軸時間應現場觀眾熱情要求,即興演唱幾首歌曲做完美落幕,強大的觀眾緣證明“天生食這行飯”。
活動過後,柏彤被贊助商大讚在幕前表現人氣爆燈,幕後相處更是謙厚友善。
留言