車仔勝算難“篤”
英超車路士暫時領先第二的熱刺與曼城十分,奪冠之路越行越近,餘下賽程亦相當有利。不過天有不測之風雲,一日未手執盃耳,任何事都會發生。
今晚車仔作客史篤城無疑被睇高一線,但唔好忘記,史篤城並非“二打六”,尤其主場具一定威力,至少車仔近兩次作客史篤城只係一和一負,史篤城決心要做攔路虎,車仔未必有十足把握取勝。初盤車路士硬讓一球,不妨博史篤城阻“車”上路。
史篤城主場較窄小,對踢“大路波”的強隊較難適應,埋身緊迫自然比較多,係史篤城最有利之處。且陣中亦有不少高質素球員,包括迪奧夫、阿費利、祖阿倫及格連莊臣等都有一定名氣,整體實力不容忽視。
車仔在英超連贏兩場後,足總盃亦擊退曼聯入四強。由於干地屬於穩健派,踢作客更穩中求勝,但史篤城無憂無慮會踢得更放,車仔會有失分危機。
推介:和波1:1
足球評述員 Ben
留言